کریستیانۆ ڕۆناڵدۆ بە شێوەیەکی چاوەڕواننەکراو کەمپی هەڵبژاردەی پورتوگالی بەجێهێشت؛ بڕیارێک کە دوای چەند ڕۆژێک لە مشتومڕ لە کەمپی تیپەکە و زیادبوونی قسە و باسی پەیوەندییەکانی لەگەڵ ژێرژ ژسوس ڕاهێنەری پورتوگال هات. ئەستێرەی پورتوگالی تەمەن 41 ساڵ دوای چەند کاتژمێرێک لە تۆڕی کۆمەڵایەتی ئینستاگرام بەیاننامەیەکی بڵاوکردەوە و جەختی لەوە کردەوە کە لە داهاتوودا باس لە هۆکارەکانی ئەم بڕیارە دەکات.
ڕۆناڵدۆ لە پەیامەکەیدا ڕایگەیاند کە دوای کۆنگرەی ڕۆژنامەوانی ڕاهێنەری هەڵبژاردەکەی و گفتوگۆیەک کە لەگەڵ سەرۆکی یەکێتی تۆپی پێی پورتوگال ئەنجامیدا، بڕیاری جێهێشتنی کەمپی تیپەکەی داوە. بەبێ ئەوەی ڕاستەوخۆ هۆکاری ناکۆکییەکە بخاتەڕوو یان ناوی کەسیش بخاتەڕوو، وتی لەکاتی گونجاودا "ڕاستی و هۆکارەکان" کە بووەتە هۆی ئەم بڕیارە لەگەڵ گەلی پورتوگالدا هاوبەش دەکات.