جام کوردی - پاش چەندین ساڵ دواکەوتن، پاکستان بە فەرمی مۆڵەتی ترانزێتی بە ئێران لە ڕێگەی خاکەکەیەوە بەخشی.
ئەم هەنگاوە دەتوانێت بەندەرەکانی گوادر، کەراچی و قاسم بکات پشتگیر و تەواوکەری بەندەرەکانی باشووری ئێران لە کاتی گەمارۆی دەریاییدا.
لە ساڵانی ڕابردوودا ئێران بەشێکی بەرچاوی هاوردە و ترانزێتی خۆی لە ڕێگەی بەندەرەکانی ئیماراتەوە (بەتایبەت جەبەل عەلی) ئەنجامداوە؛ ڕێگایەک کە ئێستا بە چڕبوونەوەی گەمارۆی دەریایی و گۆڕانکارییە سیاسییەکانی ناوچەکە ناسەقامگیر بووە.
گۆڕینی ئەم کۆریدۆرە نەک تەنها یارمەتیدەر دەبێت بۆ زیادکردنی خێرایی جوڵەی کاڵاکان و کەمکردنەوەی تێچوونەکان، بەڵکو وەک پردێکی ستراتیژی لە نێوان باشووری ئاسیا و ئۆراسیادا کاردەکات بە بەستنەوەی بە ڕێڕەوی ئابووری چین-پاکستان (CPEC) بە بڕی ٦٠ ملیار دۆلار و دەستپێشخەری پشتێن و ڕێگاوبان (BRI).