سەرۆکی پارتی داد و ئاشتی نەرویج لە پەیامێکدا ڕەخنەی لە بێدەنگی وڵاتەکەی گرت بەرامبەر بە تاوانەکانی ئەمریکا و ئیسرائیل لە دژی ئێران.
"ماریل لۆراند"، بەرپرسی پارتی داد و ئاشتی، لە پەیامێکی بوێرانەدا، وێڕای هاوسۆزی لەگەڵ گەلی ئێران لە ماتەمینی بۆ شەهیدبوونی ڕێبەری شۆڕش، بە توندی ڕەخنەی لە سەرۆکوەزیرانی نەرویج، میدیاکانی وڵاتەکەی و سیاسەتمەدارانی ڕۆژئاوا گرت لە بەرامبەر بێدەنگییان بەرامبەر بە تاوانەکانی ئەمریکا و ئیسرائیل.
دەقی تەواوی پەیامەکەی لۆران بەم شێوەیەیە:
زەهرای ساوا، ڕۆحت شاد! زەهرا محەممەدی گۆڵپەیگانی نەوەکچی ئایەتوڵڵا عەلی خامنەیی تەمەنی تەنیا ١٤ مانگ بوو.
ئەو لە ماڵەکەی خۆیدا بەهۆی هێرشە ئاسمانییەکانی ئەمریکا و ئیسرائیلەوە کوژرا، ئەمەش بەتەواوی لەگەڵ "مۆدێلی غەززە"ی ئیسرائیلدا دەگونجێت کە ماڵ و خێزانەکان دەکاتە کۆمەڵێک داروپەردوو. لە ئێستادا پرسەی زەهرا و دایکی و باپیری لە تاران بەڕێوەدەچێت.
بەڵام بۆچی تا ئێستا هیچ میدیایەکی نەرویجی داوای لە یۆناس گار ستۆرە [سەرۆک وەزیرانی نەرویج] نەکردووە ئەم تاوانانە ئیدانە بکات؟ یان لانی کەم ئەمڕۆ پەیامی سەرەخۆشی دەربکەین؟
بەڕاستی جێگەی شەرمەزارییە کاتێک تێدەگەیت نەک تەنها ستۆرە، بەڵکو هەموو ئەندامانی پەرلەمانی نەرویج کەوتوونەتە بێدەنگییەکی تەواوەوە. ئێستا ئەگەر بە پێچەوانەوە بووایە، هەموو ئەم کەسانە خێرا دەبوون لە ئیدانەکردنی دوژمنانی ئەمریکا و ئیسرائیل. بەڵام کاتێک دوژمنانی ڕۆژئاوا لە ماڵەکانی خۆیاندا دەکرێنە ئامانج و کۆمەڵکوژ دەکرێن، هەموو ئەم سیاسەتمەدارانە دەچنە بێدەنگییەکی تەواوەوە.
ئەگەر من سەرۆک وەزیران بومایە، بە دڵنیاییەوە دەچوومە پرسەکە و هاوسۆزی خۆم لەگەڵ خەڵکی خەمگین و خەمباری ئێران نیشان دەدا.
زەهرای بچووک، ڕۆحت شاد! ئەوە بزانن کە ئەوە کەمینەی جیهانن کە لەگەڵ سیاسەتمەدارە بێویژدانەکانی ڕۆژئاوای ئێمەدا وەستاون و ڕۆشنبیری بەرخۆدان ڕۆژ بە ڕۆژ لە هەموو شوێنێکی جیهان گەشە دەکات، بە وڵاتی منیشەوە [نەرویج.]