جام کوردی - جەماوەرێکی ملیۆنی بەردەوامن لە ڕۆشتنیان بەپێ لە ڕێگەی "یا حوسێن" کە نەجەفی ئەشرەف و کەربەلای پیرۆز بەیەکەوە دەبەستێتەوە، بە مەبەستی بەرز ڕاگرتنی یادی چلەی ئیمام حوسێن (د.خ).
پەیامنێری ئاژانسی هەواڵی عێراقی (INA) ڕایگەیاند کە جووڵەی زیارەتکاران لە نێو ڕێکارە ئەمنی، تەندروستی و خزمەتگوزارییە گشتگیرەکاندا بەڕێوە دەچێت بۆ مسۆگەرکردنی ڕێکوپێکی و سەلامەتیی هاتووان.
وتیشی کە موکێبە حوسێنییەکان هەموو هەوڵەکانیان لەسەر درێژایی ڕێگاکە خستووەتە گەڕ بۆ پێشکەشکردنی خزمەتگوزارییە جیاوازەکان، کە دابینکردنی خۆراک، شوێنی حەوانەوە، فریاگوزاریی سەرەتایی و دابینکردنی پێداویستییەکانی حەسانەوە بۆ زیارەتکاران لەخۆدەگرێت.