بە پێی ڕاپۆرتی جام کوردی، مەنووچێهر حەبیبی لە کۆنفرانسی پیاسەی بنەماڵەیی جوانڕۆدا، بە ئاماژە بە توانای سنووریی ئەم شارە ڕایگەیاند: کردنەوەی سنوور و بازاڕی جوانڕۆ لەگەڵ عێراقدا داخوازییەکی جددی خەڵکی ناوچەکەیە و ڕێوشوێنی پێویست بۆ بەدیهێنانی دەگیرێتەبەر.
ناوبراو ئاماژەی بەوەشکرد: قایمەقامی جوانڕۆ ئامادەکارییەکانی بۆ کارەکە کردووە و پرسی کردنەوەی سنوورەکە لە گروپی کاری تایبەتی سنووردا لێکۆڵینەوەی لەسەر دەکرێت و بەدواداچوونی بۆ دەکرێت بۆ ئەوەی بتوانرێت ئەم کارە بە شێوەیەکی یاسایی و پابەندبوون بە پەیڕەوی پەیوەندیدارەوە ئەنجام بدرێت.
پارێزگاری کرماشان بە ئاماژە بە نزیکیی جوانڕۆ لە هەرێمی کوردستانی ئێراقەوە، خەڵکی ئەم ناوچەیەی بە "سنوورپارێزی ڕاستەقینە"ی وڵات زانی و وتی: خەڵکی جوانڕۆ بە هەموو توانایانەوە سنوورەکانی وڵات دەپارێزن.
حەبیبی جەختی لەوە کردەوە: کردنەوەی ئەم سنوورە دەتوانێت ڕێگە خۆش بکات بۆ ڕووداوی ئەرێنی و خۆشگوزەرانی ئابووری و زیادبوونی خۆشی و هیوا لە ناوچەکەدا.
هەورامان؛ پۆتانسێلێکی ناوازە بۆ گەشتیاری
پارێزگاری کرماشان لە درێژەی قسەکانیدا بە ئاماژەدان بە توانای گەشتیاریی جوانڕۆ و هەورامان وتی: جوانڕۆ یەکێک لە شارە جوانەکانی ئێرانە و هەورامان لە ڕەوانسەرەوە تا پاوە و سەلاس باباجانی کۆمەڵەیەکی ناوازەی سروشت و دارستان و شاخ و کولتووری ڕەسەنی تێدایە.
هەروەها ناوبراو بازاڕی جوانڕۆی بە یەکێک لە شوێنە سەرنجڕاکێشە گرنگەکانی ناوچەکە زانی و وتیشی: گەشتیاران لە ناوچە جیاجیاکانی وڵاتەوە بۆ بازاڕکردن و سەردانی ئەم بازارە گەشت بۆ جوانڕۆ دەکەن، هەروەها دەکرێت توانای گەشتیاری و بازرگانیی ناوچەکە بۆ گەشەپێدانی زیاتری ئابوری بەکاربهێنرێت.
حەبیبی هەروەها ئاماژەی بە توانای وەرزشی ئەو پارێزگایە کرد و وتی: زیاتر لە ١٢٠ وەرزشکاری کرماشان لە ئاستی ئۆڵۆمپیاد، پارائۆڵۆمپیک، جیهانی، ئاسیا و نیشتمانیدا ناوبانگێکی زۆریان بۆ خۆیان دروست کردووە و پشتیوانیکردن لە بەهرە وەرزشییەکانی لاوانی هەورامانیش لە بەرنامەی کاردایە.