سەرلەشکر حاتەمی لە کۆبوونەوەی فەرماندەکان و بەرپرسانی سەربازیدا، وێڕای دەستخۆشی لە هاوئاهەنگی و یەکگرتوویی هێزە چەکدارەکان لە پارێزگای فارس، جەختی لەوە کردەوە کە ئەو هاوکاری و هاوئاهەنگییە دەبێت ببێتە نموونەیەک بۆ سەرجەم ناوچەکانی دیکەی وڵات.
ناوبراو سەبارەت بە دۆخی ئێستای ململانێکان وتی: «دوژمن دوای ئەوەی لە مەیدانی سەربازیدا شکستی هێنا، ئێستا پەنای بۆ ڕێگەی دیکە بردووە؛ لە ڕێگەی گەمارۆ و فشاری ئابوورییەوە دەیەوێت خەڵک ناچار بکات و هاوکات بۆ تێکدانی ئاسایش و نانەوەی ئاژاوەش هەوڵ دەدات.»
فەرماندەی گشتیی سوپا بە ئاماژەدان بەوەی کە «جەنگ هێشتا کۆتایی نەهاتووە»، جەختی لەسەر ئەوە کردەوە: «هێزە چەکدارەکان بە پاراستنی ئامادەباشی و هۆشیاریی تەواو، لە ئەگەری هەر هەڵەیەکی نوێ لەلایەن دوژمنەوە، وەڵامێکی کوشندە و یەکلاکەرەوە دەدەنەوە.»
سەرلەشکر حاتەمی لە کۆتایی قسەکانیدا بە ئاماژەدان بە دەستکەوتە ستراتیژییەکانی وڵات لە جەنگە سەپێنراوەکاندا، داوای کرد کە دەرفەتەکانی ئێستا بۆ سەقامگیرکردنی سەرکەوتنەکان و دوورخستنەوەی سێبەری جەنگ لە وڵات بە باشی بقۆزرێتەوە و درێژە بە ڕێگەی خۆڕاگری و بەرگری بدرێت.