جام کوردی - بەردەوامیی هێرشەکانی یەمەن و داخستنی ناوچە سەرەکییە بازرگانی و داراییەکانی ریاز لەگەڵ قوتابخانەکان، شەپۆلی دەرچوونی بەڕێوەبەرە بیانییەکانی لە پایتەختی عەرەبستانی سعودی توندتر کردووەتەوە.
بەپێی ڕاپۆرتی «سەمافور»، لەگەڵ بەردەوامیی هێرشەکانی لایەنی یەمەنی و داخستنی ناوچە بازرگانییە سەرەکییەکانی ریاز و قوتابخانەکان، ژمارەیەکی زیادی لە بەڕێوەبەرە بیانییەکان خەریکە ئەم شارە بەجێدەهێڵن.
ئۆفیسەکانی ناوچەی دارایی مەلیک عەبدوڵڵا (KAFD) لە چەند هەفتەی پێشوووەوە داخراون و دوای هێرشکردن سەر ناوەندی سەرەکیی سندوقی وەبەرهێنان لە بەیانی ڕۆژی پێنجشەممەدا، ئەگەری کردنەوەی زووی کەم بووەوە.
هەندێک لە کارمەندان گەڕاونەتەوە بۆ ئەوروپا، هەندێکی تریان پەیوەندییان بە خێزانەکانیانەوە کردووە لە ئیمارات، و کۆمەڵێکیش بە شێوەیەکی کاتی چوونەتە وڵاتانی سێیەم.
يەکێک لە بەڕێوەبەرە سعودییەکان کە گواستوویەتیەوە بۆ تایلەند، دەڵێت: «ئۆفیسەکان داخراون و قوتابخانەکان بە شێوەی آنلاین بەڕێوەدەچن. هیچ ئاسۆیەکی کۆتایی دیار نییە، بۆیە هیچ پاساوێک بۆ ماوەنەوەمان بوونی نییە.»